Nyemak Wara-Wara

Sakwise nyinau wulangan iki diajab kowe nduweni kabisan utawa kompetensi paham apa isine pengumuman lan isa mbiwarakake utawa nggethok tularake marang sapa bae kang magepokan karo isine pengumuman.

• Pengumuman/ wara-wara yaiku informasi ngenani sawijine bab kang perlu disumurupi dening wong akeh utawa umum
• Wara-wara handuweni sifat kang blak-blakan, migunakake tembung kang gampang dingerteni utawa dipahami.

manut saka sipate wara-wara kaperang dadi:

1. wara-wara kang sipate resmi
wara-wara kang digawe kanthi resmi dening instansi, organisasi utawa perkumpulan.

ciri-cirine:

• migunakake tembung-tembung kang baku
• nganggo ukara kang nduweni teges opo anane
• ukara sing digunakake ora ngaya wara
• paugerane
• kop surat
• tembung "wara-wara" ditulis kanthi eksplisit
• nomer wara-wara ditulis sakngisore tembung wara-wara
• isine : pambuka, isi, lan panutup
• titi mangsa
• Asma terang lan tapak asta penanggung jawabe wara-wara

2. wara-wara semi resmi

digawe pakumpulan utawa oraganisasi kanthi resmi nagging ora manut paugerane wara-wara kang resmi

3. wara-wara ora resmi

digawe dening sakwijining uwong.

(pawiyatan basa jawa SMAN 1 Surakarta)

CRITA PENGALAMAN KANG LUCU

Nyritake pengalaman kuwi bakune sing diajak crita mudeng karo apa kang dicritake. menawa ceritane lucu melu nguyu menawa critane trenyuh yo melu sedih. Supaya mudengake crita kudu runtut lan mbabarake kedadean kanthi apa anane, tujuane wong liya kang ngrukokake bisa melu mbayangake kedadean kang wis kelakon ana ing critane mau.
Crita lucu isa kedadean saka nyekseni kedadean utawa angen-angen. lucu isa uga amarga gawe guyu utawa gawe gela. lucu amarga saka bodone, ketula-tula utawa tumindake kang ndadekake guyu.

1. Manut teori superioritas-degradasi, wong rumangsa seneng lucu yen diunggulake nanging ora jumbuh karo kasunyatane
2. Manut teori bisosiasi, tegese wong rumangsa lucu sakwise ngrumangsani ora gathuk antarane angen-angen karo kasunyatan

Nyritakake pengalaman kudu nduweni unsurr-unsur kaya

• pengalaman apa kang bakal dicritake
• wektu kedadean
• papan panggonan kedadean pengalaman iku
• wong-wong kang melu andil ana ing pengalaman
• sebab-sebab pengalaman iku kedadean
• kepriye pengalaman iku kedadean

(kanggo pawiyatan basa jawa SMA N 1 Surakarta)