Selasa, 06 Oktober 2009

Subasitaning Telepon

Manungsa yaiku makhluk sosial, tumindak kang penting yaiku nindakake tumindak sosial, yaiku sawijining panggonan kanggo ijol-ijolan pengalaman, padha njlentrehake lan nampa pikiran, padha njlentrehake rasa pangrasa, utawa padha nuduhake sarta nyetujoni sawijine panemu utawa keyakinan.Mula saka iku sajrone tindakan sosial kudu ana perangan-perangan kang umum.
Kanggo ngubungake antarane anggota masyarakat iku dibutuhake komunikasi. akeh banget cara komunikasi, bisa lumantar lesan utawa tulis. Lumantar tulis isa arupa layang, e-mail, FB, Blog, sms lansapanunggale. Lumantar lesan bisa awujud rembugan, wawan rembug, uga micara ing telepon.
Zaman saiki telepon dadi barang kang lumrah lan dinduweni kabeh pawongan, nangging ojo dilalekake tatakrama sakjrone nelpon utamane nalika nelpon marang wong kang kinurmatan kaya bapak ibu neng ndalem, bapak ibu guru, utawa rikala nampa telepon saka wong liya. Tata carane wong nilpun kang becik antarane yaiku:
  • ngucapake salam
  • takon apa bener nomer kang kokhubungi kewi mau ora kleru
  • blaka arep rembugan karo sapa
  • nyethakake kebutuhane anggone nelpun
  • rembugan kang prasaja wae, sakcukupe
  • nutup rembug kanthi basa kang becik, bisa dipungkasi nganggo salam maneh
Tata carane wong nampa telpon
  • njawab salam
  • njawab kanthi alus, cetha, lan nganggo basa kang kepenak
  • menawa kang digoleki ora ana coba ditakoki titip pesen opa ora
  • menawa pas sibuk ngomon menawa saguh nelpon balik
  • pawiyatan basa jawi
  • SMA Negeri 1 Surakarta

Jumat, 02 Oktober 2009

PAWARTA

Pawarta minangka prastawa kang diwartakake. Pawarta iku bisa arupa lesan apadene tulisan. Lesan ateges pawarta iku bisa diwartakake dening wong liya kanggo pamiyarsa lumantar swara. Tulisan pawarta iku lumrahe kapacak ana ariwarti, kalawarti.
Perangan kang nemtokake bobot biji pawarta yaiku
1. Aktualitas
2. Sesambungan karo papan kedadean
3. Sesambungan karo unsur-unsur kang ketut ing sakjrone kedadean
4. Sesambungan karo pagaweyan pamaca/ pamiyarsa
5. Ganepe Pawarta.
Saya akeh gunane pawarta kuwi tumrap pawongan, saya mundhak dhuwur biji pawarta kuwi tumrap dheweke.

Para siswa kang kulina ngrungokake pawarta basa jawa mesthine bisa tambah wawasan lan pangertene marang ukara basa jawa. Kang perlu digatekake nalika ngrungokake pawarta utawa informasi yaiku:
a. mangerteni kanthi cetha masalah kang disampekake
b. mbedakake informasi kang penting lan ora penting
c. nyathet informasi sing bener lan premathi
Sak bubare para siswa ngrungokake pawarta diajab para siswa bisa gawe simpulan saka pawarta kang disemak. kesimpulan yaiku rumusan cerkak saka loro utawa luwih pernyataan kang handuweni hubungan. Nyimpulake pawarta berarti nanggepi pernyataan-pernyataan ana ing pawarta. Nalika menehi tanggepan sampeyan bisa ngutarake setuju utawa ora setuju marang pawarta kang nembe dirungokake.
Bab-Bab kang kudu digatekake nalika menehi tanggapan yaiku:
1. Tanggapan iku sak mestine disampekake mawa uraian kang cekak, padhat lan disusun kanthi apik.
2. Permasalaham utawa bab kang ditanggapi kudu cetha
3. Tembung-tembung lan ukara sing digunakake kudu gampang dingerteni utawa dipahami
4. Tanggapan iku kudu diwenehi alesan kang logis, bisa uga ditambahi fakta lan bukti-bukti kang relevan(nduweni Hubungan)
Nanggepi pawarta iku kudu evaluatif lan objektif. Evaluatif tegese menehi penilaian, objektif tegese pawarta kang ditampa kanthi apa anane.

katulis
kagem pawiyatan basa jawi
SMA Negeri 1 Surakarta